![NGFW](https://cloufone.com/wp-content/uploads/2023/05/NGFW.jpg)
Next-Gen Firewall
خدمة الانترنت من الخدمات الاساسية لأي بيزنس او شركة و لو بتعتمد علي انظمة او برامج شغالة علي الكلاود يبقي استقرار خدمة الانترنت بالنسبة لشركتك مطلب حيوي و ده خلق احتياج لأداوات جديدة لتأكد من الحفاظ علي جودة و استقرار خدمة الانترنت لأجهزة الموظفين و مع زيادة اعتماد الشركات بشكل كبير علي التكنولوجيا بقي في مصدر أرق كبير للشركات من خطورة و احتمال التعرض لهجمات إلكترونية من الانترنت عشان كده بقي من الضروري اكتر من اي وقت مضي ان الشركات تتأكد ان عندها انظمة امان قوية و موثوق فيها لحماية بياناتها و اصولها من اي خطر ممكن تتعرض ليه من الأنترنت
من هنا ظهرت اهمية وجود انظمة للتحكم و تنظيم و ادارة خدمة الانترنت لضمان استقرار الخدمة و في نفس الوقت توفر الأمان و الحماية من اي هجمات إلكترونية ممكن تتعرض لها الشركات و ده الدور اللي بيلعبه ال Next-Gen Firewall و اللي في ابسط صوره له عبارة عن جهاز او سيرفر بيشتغل زي بوابة أو فلتر لخدمة الأنترنت و بيوفر منظومة متكاملة لمجموعة متكاملة من الأداوات الازمة لأدارة و التحكم في خدمات الانترنت بجانب الهدف الرئيسي و هو انها بتوفر مستوي جديد من الحماية و المميزات المتقدمة زي الفحص الدقيق لحزم الانترنت و منع التسلل بجانب التحكم الكامل في محتوي الانترنت و بتعتبر خط دفاعي شامل ضد مجموعة كبيرة من التهديدات الألكترونية زي الفيروسات و البرامج الضارة و محاولات الوصول غير المصرح به و لكل المزايا دي فأن انظمة ال Next-gen Firewall بتوفر للشركات تأمين شبكاتها بثقة و بتوافر الحماية لمعلوماتها وبياناتها
ومن اهم المميزات والأداوات اللي بيوفرها Next-Gen Firewall للشركات
الحماية من الهجمات الألكترونية فبجانب مستويات الحماية التقليدية اللي بيوفرها الفايروال التقليدية لكن ال Next-Gen Firewall بتقدم مستويات متقدمة من الحماية بأستخدام تقنيات زي ال Intrusion Detection system – IDS و ال Intrusion Protection Systems – IPS و اللي بيستهدفوا الفحص الدقيق لكل حزم الانترنت بدقة عالية و بتقدم خط دفاعي شامل ضد التسلل و الأختراق
التحكم الكامل في محتوي الانترنت زي خدمة حجب المحتوي الغير مناسب لبعض الادارات في الشركة زي السوشيال ميديا او اليوتيوب مثلا او السماح فقط بعمل المواقع الخاصة بالعمل و حجب المواقع اللي ممكن تعطل او تضيع وقت الموظفين
رفع كفاءة و استقرار الانترنت و بالتالي رفع مستوي الانتاجية لدي الموظفين اللي بعتمدوا علي الانترنت في شغلهم زي مثلا الخدمات و الانظمة اللي بتعتمد الكلاود او السوشيال ميديا
تقسيم سرعات الانترنت بين الموظفين حسب احتياجات العمل و وفق السياسات الخاصة بالبيزنس
التحكم الكامل في خدمات الدخول للأنترنت بأستخدام اسم المستخدم و كلمة السر لكل موظف لضمان اعلي مستوي من الامان و الادارة للخدمة المقدمة
توفير خدمة الانترنت للزائرين و الضيوف بحسابات محددة المدة يوم واحد علي سبيل المثال و من خلال منظومة منفصلة عن شبكة الانترنت الخاصة بالموظفين بما يوفر مستوي عالي من الأمان لشبكة الأنترنت الخاصة بالموظفين
تقارير متكاملة و تفصيلة زي مثلا استهلاكات الانترنت و فئات المواقع الاكثر زيارة و تفاصيل الاستخدام للموظفين
ودي كانت مقدمة بسيطة عن واحدة من الخدمات الأساسية اللي يجب علي اي بيزنس الانتباه لها لتوفير مستوي مناسب من الحماية والأمان للشبكاتها الي جانب رفع كفاءة خدمة الانترنت و استقرارها و بالتالي رفع مستوي الانتاجية