إدارة علاقات العملاء – Customer Relationship Management
كتير من اصحاب الأعمال و خصوصا الصغيرة و متناهية الصغر بتسخدم الأكسل في ادارة بيانات العملاء , طبعا برنامج الأكسيل الرائع مش محتاج تعريف و لكن برنامج الأكسيل ممتاز فى إدارة الأرقام لكنها مش مناسبة لأدارة العملاء
و من هنا ظهرت أهمية وجود انظمة مناسبة للمهمة دي و اللي اتعرفت بأسم برامج ادارة علاقات العملاء ال (CRM) Customer Relationship Management و المصممة خصيصا لأدارة بيانات عملاء و اللي هدفها انها توفر بيئة عمل متكاملة للحملات التسويقية و المبيعات و خدمة العملاء في نظام أساسي مركزي واحد و يعمل بطريقة ألية. و ده اللي هيسمح لفريق المبيعات و التسويق و خدمة العملاء يشتغلوا كمنظومة متكاملة
ولأن عملاء أكتر يساوى فرص بيع أكتر فأنظمة ال CRM بتهدف الي زيادة المبيعات من خلال التحكم أكتر فى بيانات العملاء وتنظيمها واللى هيسهل انشاء قاعدة بيانات لكل عميل فيها كل التفاصيل اللى هتسهل علي صاحب البيزنس أو شركة صغيرة أو متوسطة انها تقدم العروض التسويقية المناسبة للعميل الحالى والحصول على عملاء جدد وسهولة التواصل مع كل عميل وسهولة متابعته من خلال النظام
من اهم المميزات اللي بتوفرها انظمة ال crm
امكانية الحصول على Leads (عملاء مهتمين ) وربطهم بال CRM من أى مصدر زى الموقع الخاص بالشركة على سبيل المثال او من حملات السوشيال ميديا أو من خلال رسائل النشرات البريدية او التليفون او الرسائل القصيرة SMS وده بيساعد ان الشركات تقدر تعرف عدد العملاء اللى بيسجلوا معاهم يوم بيوم . ادارة عملية البيع بشكل كامل من خلال ميزة تقسيم العملاء بالمناطق الجغرافية او من خلال مجالاتهم بترتيبهم فى مجموعات اصحاب الاعمال تقدر ترفع قائمة بعملائهم الحالين على ال CRM لتنظيمها وترتيبها بالشكل اللى يساعد على متابعة حالة كل عميل وتقسيمهم لشرايح لاستهدافها فى حملاتك التسويقية . امكانية تقسم العملاء بحسب وظائفهم أو مجالات عملهم وده طبعاً بيسهل على فريق المبيعات معرفة كل عميل ودراسته جيداً قبل التواصل معاه . التنبيه بحالة كل عميل من خلال توضيح حالة كل عميل وموقفه الحالى وده بيساعد فرق المبيعات على تتبع حالة كل عميل بشكل خاص ومنفرد . امكانية تتتبع مسار الحملات التسويقية بدقة من خلال توفير معلومات عن كل خطوة ومتابعة الأداء من داخل ال CRM الحصول على تقارير عن أداء فريق المبيعات بشكل منتظم وأيضاَ الحصول على تقارير عن المنتجات أو الشريحة المستهدفة .
و ده طبعا غير المميزات التقنية و اللي اهمها توافر موبيل ابلاكيشن بيوفر مرونة وامكانية للوصول للنظام من اي مكان و ده غيرالسهولة في الوصول لأداوات البيزنس في اي وقت
امكانية دمج أكتر من تطبيق وبرنامج للبيزنس مع ال CRM زي مثلا دعم قنوات اتصال مثل الكول سنتر و الواتس اب و السوشيال ميديا
EN 
AR